أعزاءنا المصيفين فى كل مكان
على شاطئ أو فى بستان
أجازة سعيدة ومصيف ممتع باذن الله عز وجل
ولأن المصيف فرصة سعيدة لعمل كل حاجة مفيدة فرصة للمتعة لكن من غير معصية فرصة لللمة والجماعة لكن على الخير والطاعة فرصة للاستمتاع بنعمة ربنا والتفكر والتدبر في خلقه
(وان تعدوا نعمة الله لاتحصوها)
...ولأن فى المصيف فيه ناس بتفتكر ان كل حاجة مباحة لازم نتكلم بصراحة علشان تكون أوقاتنا فى المصيف كلها بهجة وسعادة
فى حاجات لازم مننسهاش وعنها مانستغناش
تعالوا نتكلم بحرية عن هذه النصائح الصيفية .
1- النية :
-------------
تعالوا نحسبها : ايه رأيك لو قلتلك انك ممكن تاخد فى كل ثانية حسنة
بس المشكلة ازاى هتاخد حسنات وانت على الشاطئ ؟
حل المشكلة كلمة واحدة كلمة سحرية ممكن تحول كل ثانية على الشاطئ لطاعة وعبادة
هى (النية) نعم اعمل أى حاجة مباحة لكن افتكر دايمآ
(انما الأعمال بالنيات ولكل امرئ مانوى)
جدد نيتك :
-----------
1- الترويح عن النفس
يقول الرسول صلى الله عليه وسلم (روحوا عن القلوب ساعة بعد ساعة فان القلوب اذا كلت ملت)
2- تعلم رياضة مفيدة
يقول عمر بن الخطاب رضى الله عنه (علموا أولادكم السباحة والرماية وركوب الخيل)
3- تجديد نشاط وقوة البدن
يقول الرسول صلى الله عليه وسلم (المؤمن القوى خير وأحب الى الله من المؤمن الضعيف)
4- التأمل في خلق الله وتدبر اياته
لو تأملنا كل ما حولنا من سماء بلا عمد ومن بحر وامواج وتنفسنا الهواء النقى
لشعرنا بنعمة الله علينا وشكرناه على نعمه التي لا تعد ولا تحصى
2- الصلاة :
--------------
حوار صريح جدآ :
----------------
*-
ممكن أعطلك 5 دقائق ؟
دلوقتى مش ممكن ده أحسن وقت لنزول البحر وبعد ماأطلع هلعب كورة مع أصحابى وبعدين ألعب راكيت وبعدين .....
لحظة واحدة ماتكملش أنا مش عاوز من وقتك غير 5 دقائق اعمل بعدها ال انت عايزه عندك النهار طويل مش هتخسر
حاجة
اتفضل اتكلم عاوز ايه ؟
عاوزك تصلى عاوزك تدفع ضريبة وقتك ال بتستمتع بيه فى المصيف يعنى زى مابتدفع رسوم الشاطئ وتدى كل واحد حقه الصلاة هى حق الله بس 5 دقائق
مشغووووول
مهما كانت مشغولياتك سيب كل حاجة فى ايدك وخليك فاكر (لابركة فى عمل يلهى صاحبه عن الصلاة)
هصلى بعدين
مافيش بعدين بمجرد ماتسمع الأذان لازم تلبى النداء يقول تعالى (ان الصلاة كانت على المؤمنين كتابآ موقوتآ)
مش متوضى
وايه المانع اتوضأ مفيش ميه البحر أمامك اتوضأ زى ماانت عاوز
مفيش جامع
مفيش مشكلة صلى على الشاطئ واعطى ظهرك للبحر انت الأن فى اتجاه القبلة يقول الرسول
(جعلت لى الأرض مسجدآ وطهورآ)
مكسوووووف
مكسوف ليه انظر حولك فى ناس بتلعب وناس بتجرى وناس نايمة وناس بتاكل محدش منهم مكسوف لو قمت تصلى أمامهم صدقنى هما ال هيكسفوا من أنفسهم وممكن يقتدوا بك فتاخد حسنات بسببهم .
كلمة حكمة : (أقم صلاتك تنعم بحياتك)
3- غض البصر :
----------------
انت الخسران : لو أطلقت بصرك لو نظرت الى ما حرم الله لو مارعتش حدود ربك لو ولو .....
صحيح ممكن تستمتع لحظة لكن هتخسر أكيد كثير وهتندم أكثر لانك هتلاقى صدرك بيضيق وتحس انك مهموم وتفقد توفيق ربنا ليك هتنسى معنى الفرحة عارف كل ده ليه ؟
لان قلبك مات والسبب سهم مسموم أطلقه نحوك الشيطان مكتوب عليه (النظرة الحرام)
يقول الرسول (النظرة سهم مسموم من سهام ابليس من تركها مخافتى أبدلته ايمانآ يجد حلاوته فى قلبه)
ماتنساااااش : بصرك نعمة من الله وسوف يسألك عنه يوم القيامة
يقول تعالى : (ان السمع والبصر والفؤاد كل أولئك كان عنه مسئولا)
(قل للمؤمنين يغضوا من أبصارهم ويحفظوا فروجهم ذلك أزكى لهم)
4- الحجاب :
--------------
تحذييييير : للمصيفات :
قال تعالى : (ياأيها النبى قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين)
5- مراقبة الله :
----------------
دلوقتى : أكيد انت عاوز تعمل كل حاجة خصوصآ فى المصيف مش عاوز حدود عاوز حريتك مافيش مشكلة بس بشرط واحد دور على مكان ربنا ميشوفكش فيه!!؟؟
دور ودور ودور لكن أحسنلك ماتتعبش نفسك عارف ليه لأن الله تعالى قال (وهو معكم أينما كنتم)
(مايكون من نجوى ثلاثة الا هو رابعهم ولا خمسة الا هو سادسهم ولا أدنى من ذلك ولا أكثر الا هو معهم أينما كانوا)
آخر الكلام : (صيف بحرية لكن متنساش ان ربنا دايمآ معاك)
6- التفكر فى خلق الله :
-------------------------
يقول تعالى (ان فى خلق السماوات والأرض واختلاف الليل والنهار لآيات لأولى الألباب الذين يذكرون الله قيامآ وقعودآ وعلى جنوبهم ويتفكرون فى خلق السماوات والأرض
انظر حولك
:
ماذا ترى ؟
لاشئ كل شئ طبيعى من سماء وبحر وشمس وناس ..... لايوجد شئ غير عادى
انظر حولك مرة أخرى وتأمل ستجد كل شئ يسبح بحمده ويشهد بعظمته وقدرته وقوته ستجد آياته فى كل شئ ستجد دلائل ألوهيته ستجد كل ماحولك يدع معك لتقول
(سبحان الخلاق العظيم)
ارشادات فقهية
قبل نزول البحر
-----------------
احرص على ستر العورة
بالنسبة للرجال : العورة من السرة للركبة .
وبالنسبة للنساء : العورة جميع الجسد عدا الوجه والكفين( لغير المنقبة) وللمراة نزول البحر بجميع ملابسها بشرط عدم مخالطة الرجال اي فى مكان مخصوص للنساء
أو فى وقت مبكر قبل نزول الناس .
--------------------------------------------
منقووووول من منتدى الدكتور عمرو خالد
الرئيسية 
