يجي بقه للكلام المهم مش بس فالفسيولوجي في كل الحياه مش بس الامتحانات كمان
وثقوا في كلامي النابع عن تجارب ناس سمعت الكلام مش كلام خيالي او مبالغ فيه
اولا عاوزين نتفق ان المذاكره بالليل فاشله فاشله فاشله فاشله فاشله
احسن مذاكره في الحياه من الفجر للعشا بيكون المخ فايق وخرج كل اللي فيه في الحلم خلاص
والسمباثتيك شغال علي اخره
ومفيش حاجه تلهيك لا نت ولا فيس ولا منتدي ولا تليفزيون ولا ماتشات ولا اي شيء
والصبح من خمسه لتمانيه تلت ايام مش تلت ساعات وفجاه هتلاقي نفسك وصلت الضهر ولسه اليوم مبتتداش
حد يقولي مش بعرف اصحي ليها حلين ياما تطبق يوم وتنام من المغرب تاني يوم ياتضغط علي نفسك وتنام يوم بدري
دي الخطوه الاولانيه
الخطوه التانيه الثقه بالله وبالنفس بشكل كبييييييير ثق ان فارق القدرات بينك وبين الناس ضئيل لا يتعدي اجزاء من العشره لكن انت اللي متعرفش او مش واثق من قدراتك
والاراده وخلق حافز علي عكس ما الناس بتعمل بنحمل نفسنا عبء رهيب جدا جدا جدا متخشش بالكبايه مليانه هتقع منك طول الطريق
خش بكبايه فاضيه ايه يعني ايه لما انجح بس اهم حاجه هبقي كويس في حياتي العمليه هل انا بقولك متبقاش احسن الناس بالعكس
لم تخفف العبء عن نفسك وتحط فدماغك ان كل حاجه هتجيبها زياده فهي شيء جميل وحافز حلو هتلاقي نفسك داخل الامتحان بدل مانت خايف وكل ماتلاقي سؤال مش عارفه تقلق وياتري اللي عارفه حاله صح ولا
لا بالعكس دانا كل سؤال اجاوبه هيعليني اكتر هتلاقي نفسك اتشجعت ولا قدر الله حتي لو حاجه وقعت مش هتاثر معاك نفسيا تماما
- القناعه الكامله والرضا بقضاء ربنا ان كل مهمتك تذاكر وتعمل اللي عليك مجرد ماكده خلاص انتهت القصه لان انك تحل او لا وانك تجيب او لا دي حاجه بتاع ربنا وثق ان ربنا مبيضيعش اجر حد حتي لو بصيت تحت رجليك متقولش ذاكرت ومحلتش ربنا عاينهالك والله عن تجارب شخصيه كتير نفضل نقول عانهالك فين ياعم هتشوفها والله
وربنا ديما بيعملنا الخير لكن يبقي في قناعه اني عملت اللي عليا واياك تبص لحد وتقول فلان مذاكرش وحل
- لازم يبقي في دافع وحافز نمشي وراه ومهما اتحدف علينا طول الطريق منقفش بالعكس دا دليل اننا ماشيين صح لان الفاشلين عاوزين معاهم والناجحين مش عاوزينك تبقي زيهم وطبيعي جدا هتقابل تريقه و و و كمل بقوه اكتر
- العوامل السلبيه اكبر محفز للانسان عشان يقدر يقوم يقف تاني وثق ان الحياه مبتقفش وكده كده هترجع لكن وقتها لو رجعت هتلاقي نفسك اتاخرت كتير وانت الوحيد اللي خسران شوف كل شيء ايجابي ديما حتي لو اوضه مليانه ضلمه دور فيها علي بصيص نور
امشي وراه هيوصلك لنور الشمس اللي هيملا حياتك كلها
كلامي والله والله ماكلام انشا ولا مبالغ فيه نجرب مش هنخسر حاجه
تفتكر لو انا عندي اراده وكسرت الحاجز اللي ديما بانينه قدام عنينا واننا مش هنقدر ومش هنلحق
حتي لو موصلتش لخط النهايه مش هوصل لشيء اعلي بكتير من اللي هوصله لو وقفت مكاني؟؟؟؟؟؟؟؟؟؟
يبقي ليه احكم علي نفسي بالخساره قبل ما ابدا المعركه
مبدئيا ياريت الناس اي ماده قبل ماتبدا الاورجانيك بيورلي تقري اي حرف متقراش من اي ماده ولو قرايه جرايد فره بعنيا مجرد امر علي الكلام وثقوا
مجرد قرايه الكلام مرتين بيخلي المخ يحتفظ بصوره للكلام ولما تيجي تذاكره هتحس كانك شفته قبل كده ودا بيعمل عامل معنوي قوي جدا زائد عامل نفسي كمان
متحملوش هم الفسيولوجي ان شاء الله قبل ايامهم هلمهلكم تماما بشكل مبسط ومش انقاذ مايمكن انقاذه خلينا ديما مؤمنين ان مدام في وقت نقدر نعمل المستحيلات
وبجد متقلقوش خليها علي ربنا وعلي العبد لله
الفسيولوجي مبيتحفظش ياجماعه بيتفهم والفهم بيوصل لحفظ كامل
الفسيولوجي مبيتنساش واللي بينساه يبقي شور يامش فاهمه تماما ياما بيذاكر غلط
في كل مواد طب وخصوصا الفسيولوجي لازم اعرف انا فين بالظبط
لازم الم الدرس فالاخر عباره عن عنواين بالفهم اقدر اطلع التفاصيل بكل سهوله
اللي بيعلم الكتاب مش حافظه ولا حافظ ورق الكورسات ولا ورق اي حد
هو عاوز معلومه يبقي لازم اوصلهاله بطريقتي مش شرط طريقه اي حد
يبقي ليه نصعبها علي نفسنا ونصر نرخم علي نفسنا
في شويه بيزيكس في الفسيولوجي هعرفهالكم محدش يجي يقول معرفش سؤال في الفسيولوجي دي كلمه عيييييييب
اللي يبالفوا الكتاب مش احسن مننا يعني
مش بهرج فعلا الموضوع ابسط مما تتخيلوا مجرد بس ثقه فالله وفالنفس ان اللي بتكتبه حتي لو مش عارف الاجابه صح وصح جدا كمان واكتر من اللي في الكتاب مادمنا ماشيين ببيزيك وتفكير منظم
باذن الله قبل الامتحان هعرفهكم تتعاملوا مع لجنه الشفوي ازاي
ربنا يكرم انا عارف انكم حاليا مش فاضيين ربنا يعينكم
مهارات المذاكره
كلنا بيغلط غلطات شنيعه في اسلوب مذاكرته وبيظن ان الموضوع بكتر المذاكره
الاجتهاد جميل وكل ماتجتهد اكتر اجمل لكن لو موجهتش طاقاتك صح بتبقي بتضيعها علي الفاضي واسمك بتذاكر كتير وبس
هقولكم علي حاجه بسيطه جربوها وقوليلي الدنيا عامله ايه
قبل ماتخش اي درس اقف عند العنوان وحاول تفتكر حتي لو مكنتش ذاكرتها قبل كده ايه اللي كان مكتوب تحتها
وقتها بس لما تيجي تبص هتكسب كذا حاجه
اولا هتخش الدرس وانت مش صفر فالميه حتي لو افتكرت مجرد كلمه
ثانيا مجهودك كله وقتها هينصب عاللي مش بيجي بالفهم او مش عارفه اصلا
لان اللي جبته بدماغك دا ثابت مش هيروح لانك زي ماجبته حاليا جبته قبل كده
لكن متستلمش بسهوله وتقول مش فاكر ابسط واسهل شيء عند الانسان الاستسلام اعصر مخك وحاول اكتر واكترو ثق كل ماتجيب اكتر دا مستحيل يتنسي ومجهودك وقتها هيتوزع صح
يعني في حاجات منطقيه وبديهيه فالمناهج بتاعتكم كتير مش مطلوب اني اقعد احفظ كل حرف بضيع مجهودي علي حاجات سهله اقدر اجبها من غير حفظ اصلا والمفروض المجهود دا كله يوجه للي محتاج حفظ فعلا او مش منطقي او ميجيش بالفهم
عشان كده ديما علم علي الحاجه اللي مش منطقيه او متجيش بالفهم بحيث لما تيجي تراجع
تاخد بالك منها لان هي دي اللي بتتنسي
حاجه تانيه مهمه اوي يوم الامتحان الصبح كله بيحس ان حاجه معينه ناسيها يجيبها ويحاول يفرها بسرعه ويرجع تاني كل مايحس انه ناسي حاجه يفرها
اياك ثم اياك ثم اياك ثم اياك تحاول تفر تفاصيل للمنهج الصبح قبل اللجنه مباشره مجرد ماتنزل من بيتك الصبح خلاص كل ماعليك تفكر نفسك بالعناوين بالدروس لكن تفاصيل اياك لو حاول توقتها الفره دي
بتسيح المعلومات اللي عقلك مخزنها علي هيئه دروس علي بعض
فهتيجي تفتكر فالامتحان هتحس ان كله كان موجود في كل مكان ومش قادر تحدد المعلومه دي كانت فانهي درس بالظبط
الحاجه التانيه الاهم واتيفر حد جه قالك حاجه معينه جايه متعرفهاش لو في وقت اقرااها وبدون توتر لكن مفيش وقت قول مش مشكله متحاولش تتفرها او توتر نفسك هتفتكرها باذن الله او هتكتبها من دماغك
وخلينا سلسين مش شرط اني اكون مذاكر الحاجه وحافظها بالحرف عشان احلها
احتا مش الات بنعبي فيها كلام
زي ماقلنا اللي بيعلم عاوز معلومه مش حافظ اي ورق من اللي بتذاكروا منه
وربنا يوفقكم يارب ولنا عوده
لاسف اغلبنا يبقي باقي يومين مثلا علي الامتحان وهو صفر في الميه فالماده
يجي يحسبها يقول مش هلحق اخلص وابقي ميه فالميه خلاص يبقي مبدأش خالص
زي الدين وزي حاجات كتيره فالحياه
لا مدام في وقت ولو دقيقه واحده متستسلمش وعالاقل لو ارادتك مكانتش قويه هتوصل لحاجه احسن بكتير من الصفر
مين فينا بيحب التعب مين فينا ميحبش يبقي مريح
ومش شاغل دماغه بحاجه بس واخرتها ايه لازم يبقي في حافز ماهو مادمت قررت توصل لحاجه يبقي شور هتضحي بشويه حاجات منها الراحه شويه
ثق انك في الحياه دي يا قائد يا تابع واكيد عشان تبقي قائد مش من غير تضحيه
شوف اختار هتبقي ايه
هتطلع تبقي دكتور صيدلي شغال تحت ايد واحد هو اللي بيقولك يمين يمين شمال شمال
ولا هتبقي انت اللي فمكان القياده الخيار ليك
هتكلم عن حاجات تانيه بقه مهمه
المواد الحفظ ناس تقولي كلامك حلو وجميل ولذيذ بس المواد الحفظ مفيهاش الكلام دا
اقوله لا كلامي ساري علي كله لكن فالمواد الحفظ لازملها تعامل تاني كمان معاها
اولا لازم تعلم كل درس بحاجه ظريفه تفتكرها بيها
ولازم لو حاجه رخمت اوي سكمها بحاجه هبله من الحياه باسلوبك انت
كل يوم قبل ماتبدأ الجزء الجديد فالمذاكره استهلك ربع ساعه مفيش غيرها فر فاللي ذاكرته قبل كده
دا له لازمه واحده بس عشان صوره وشكل الصفح تفتكرهم فالذاكره القريبه
كده كده الحاجات دي هتفتكرها باذن الله بس عشان لو مثلا جت حاجه من اللي ذاكرتها ومفتكرتش شكل الصفحه بنضايق
فدا فايدته كده كل ماتخلص جزء جديد ضمه للقديم وبص فيه
حاجه كمان مهمه لما تيجي لفظ او كلمه ليها علاقه بحاجه او شفتها قبل كده حاول تفتكري شفتها فين قبل كده لو افتكرت هتحس بثقه لامثيل ليها
ولو مفتكرتش هاتها وافتكر هتكسب حاجات كتير اوي منها تربيط المنهج ببعضه ومنها انك وانت بتجيبها هتفر فكذا حاجه
ومتخليش احساس اني مش فاكر حاجه من اللي ذاكرته يجيلك حتي لو فعلا مش فاكر لان دي حاجه فسيولوجيه طبيعيه جدا
ولما تستدعي المعلومات تحت استريس الامتحان هتيجي
حاجه تاني كتير مننا بيجيلي احساس الكسل والارهاق ودي طبعا حجج اللي نفسه يهرب
لان كل واحد مننا بيحس انه نفسه يخش ينام بقه كفايه كده ويارب اصحي الاقي الامتحان خلص لوحده
لا حاول تستكشف طاقه رهيبه كامنه للوقت دا هي الاراده وان في حافز تعمل عشانه كده
افضل ديما قول ياواد باقي يومين تلاته وهرتاح ياخي ان شاء الله يبقي الحافز بتاعك عشان الاجازه يبقي ليها طعم بعد تعب
وفعلا الكلام دا مش بس للفسيولوجي ولا بس للدراسه دا منهج حياه ازاي اخلق لنفسي جو نجاح فوسط كل العقبات
ازاي اقدر اشوف اي حاجه ايجابيه مهما كانت مليانه سلبيات عشان افضل ماشي لقدام مفيش حاجه توقفني
بصوا بقه حاجه مهمه بما ان الامتحانات قربت خالص علي بعض الناس وبيشتكوا انهم مخلصوش
ياسيدي لما تضيق تماما
اعتبر نفسك صفر في الميه تفتكر في خساره اكتر من كده؟؟؟؟
اعتبر ديما ان كل حاجه فيها جانب ايجابي مبيشفهوش غير الانسان الناجح
واعتقد محدش يحب يكون غير ناجح
خلاص استغل نقطه واحده ايجابيه هي انك مفيش عبء خلاص اعتبرها خربانه
وفكر انك مش شرط ياتكون صفر ياتكون ميه اكيد لما تتقدم هتوصل لحاجه اعلي من الصفر الف مره وثق والله والله والله
لو شديت هتقارب الميه لكن بدون عبء وتوتر
قدام في وقت يوم اتنين متقولش يعني انا طول السنه وطول فتره الامتحانات معملتش جت عاليومين دول
ياخي دا ربنا بيبارك فالوقت وهتوصل لمرحله انك تبص للساعه تلاقيها مبتمشيش
دا لو مؤمن اللي مش مؤمن بربنا خلاص يستسلم وخلاص
وللمره الاخيره قال تعالي " لَن تَخْرِقَ الأَرْضَ وَلَن تَبْلُغَ الْجِبَالَ طُولاً {الإسراء:37}، صدق الله العظيم انت ذاكرت وعملت اللي عليك لو دقت احساس الرضا هتعرف انك مش مطلوب ازهق واخاف واحزن هو انت هتروح تحط الامتحان او تعلمه
هحكيلكم تجربه شخصيه وانا فخامسه كليه
الحمدوالشكر لله ذاكرت كويس جدا وجاوبت كويس جدا وجبت 92 فالميه وطلعت الرابع عالدفعه الكلام دا من الكنترول افاجيء لما النتجيه نزلت
ان نتيجتي نزلت 280 درجه ياناس في ايه اصل النتيجه اتعدلت عشان مخشش فالترتيب واقسم بالله الكلام دا حدث وفي شهود ورئيس الكنترول اللي قال
تفتكروا لو حد كاني هيعمل ايه
هيستبيع بقه وخلاص بقه دا انا من الرابع عالدفعه واللي فوقي كلهم كوسه لل650 ومتستغربوش من الرقم
والله ماالحزن قعد معايا دققتين
وقمت شكرت ربنا وصليت والناس نفسهم يواسوني مش عارفين يقولولي ايه
قلتلهم اكيد اكيد ربنا عاينلي حاجه في مكان او حاجه لو كنت جبت المجموع الكبير مكنتش هفكر فيها
بقوا يبصولي ويستغربوا دا كله كان نابع من احساس رضا اني عملت اللي عليا
فليه نحمل نفسنا عبء؟
صدقوني والله حتي الاهل مهما كانوا نفسهم يفرحوا لكن طول ماشايفنك تعبان خلاص اللي يحصل والله والله فيه خير
والامثال كتير
في في واحده كانت زميله اختي كانت فطب وبتعدي كل سنه بالزق
جت في رابعه ووقعت
تفتكروا لو حد مكانها يعمل ايه
الضغوط زادت جدا وهي هي نفس المخلوقه بنفس القدرات
ونزلت دفعه تحت وغير انها طب يعني السنه بتعدي بيتكسر وراها قله واعباء
لما عادت طلعت التانيه عالدفعه ورتبت فخامسه وساته واتعينت فالكليه
نفس المخلوقه مش بقارن بين اتنين مختلفيين
يبقي ناكد ان الانسان الفاشل هو بس اللي ديما بيلاقي حجه لفشله
وعلي فكره النجاح انك عقليه ناجحه النجاح مش مرتبط لا بمكان ولا بكليه
هو اللي ديما يقول ياعم ماهو اصل النجاح دا ليه ناسه
اها ليه ناسه اللي عقلياتها بتصر عالنجاح تفتكر لو نشنت علي حاجه عاليه هتوصلها بسهوله؟
والله لو وصلتلها تبقي صدفه وكمان مش هتحس بحلاوتها ولو هي سهله كده كان كل الناس وصولوها
يعني طبيعي انك بما انك نشنت علي حاجه كبيره يبقي لازم تبذلها مجهود كبير ولازم تواجه عقبات كتير
وكل القصه تبقي عارف ان في عقبات لاننا ببنبدا بحماس رهيب ونقف عند اول عثره
مش عاوز اطول عليكم المره دي
يادكتوره ميرو مفيش حاجه اسمها معرفش في حاجه اسمها مجربتش كل القصه ياتطبقي يوم وتضغطي علي نفسك وتنامي تاني يوم بدري ياتضغطي يوم وهجبلكم شويه حاجات سحريه بقه من الدين تقولوها قبل ماتناموا وتنووا تصحوا امته هتصحوا من غير منبه
يادكتور دودا ربنا يخليكي وفعلا دا منهج حياه ولينا كلام كمان بره القصص دي لما الناس تخلص امتحانات باذن الله اهم حاجه دلوقتي
وصدقوني والله والله اهم شيء خففوا الاعباء من علي نفسكم
اللي بيخش وحامل عبء وتوتر هيضيع تعبه كله
ووقتها متستغربوش ان حد رايق ويمكن مش مذاكر ادنا وجاوب احسن مننا لان الهدوء ممكن يخليه يعرف اجابات حاجات يمكن مذاكرهاش قبل كده
بالتوفيق ربنا يكرمكم يارب
اهم حاجه الهدوء ميبقاش في غير رهبه الامتحان الخفيفه اللي مش بتوتر
ليله الامتحان
ولا تذكري شويه كلمات اوعي تغيب عن بالكم
عجبا لعبد ضعيف سيده ملك الملوك ولا يطمئن استعن بالله ولا تعجز
وقال تعالي " ألابذكر الله تطمئن القلوب " صدق الله العظيم والله والله ايه ساحره مهما كنت مرعوب قولها وكلك ثقه فالله هتلاقي راحه نفسيه عجيبه تسللتك
بصيوا بقه في حاجه اسمها اداره الاولويات بجد مش كلام انشا
يعني لازم الاهم فالمهم ودي مينفعش اعممها لانها بتختلف حسب شخصيه كل بني ادم
يعني لو انت من الشخصيات القلوقه اللي متقدرش تخش الامتحان من غير ماتخلص حاجه
يبقي تسخر وقتك الصبح يوم الامتحان انك تخلص لان بعد العصر ليله الامتحان لو حسيت ان لسه باقيلك كتير بيبدا الانسان يتوتر فمتفكرش تراجع حاجه خلص اللي وراك الاول الصبح بدري بدري
اما لو انت من النوع اللي مش قلوق اوي فالعقل بيقول
تبت الاول علي كل اللي ذاكرته عشان متسيحش نفسك واول ماتخلصه وتطمن تماما تماما انه خلاص دخل الامانات
اقري اللي باقيلي ولو لمجرد ان يبقي عندك عنه فكره تعرف تكتب فيه لو جه وطمن نفسك ربنا يكرم ومش هيجي حاجه مش عارفها
اضحك علي نفسك وقول كده والله هتحس براحه غيرمبرره بس وقتها هتبقي بتقري بلا ضغوط لانك ضامن التاني
لكن اللي بيسيحوا نفسهم وهقري الجديد وفجاه لا هراجع القديم الاول هيوتر نفسه
اخر يوم نوم زي النهارده مثلا قبل ماتنام طلع ورقه واكتب فيها اول ماهصحي من النوم هعمل ايه ثم ايه ثم ايه مهمه للغايه الكلام دا
ثانيا اليوم دا اهم يوم مش مهم ذاكرت قبل اد ايه او مذاكرتش اد ايه اد ما مهم
انك في اليوم دا هيطلع نتيجه كل اللي فات قفلت علي اد ماتقدر دروس وشباتر من اللي 1ذاكرتها عشان اللي مش متقفل ومتراجع دا ولا كانه اتذاكر لحد ما يعني هينقص منه كتير ودا بيسبب ضيق وتور انك مذاكرو مع ذلك نسبه الافتكار قليله شويه
طبعا مفيش حاجه اسمها مش فاكر خالص الا لو انت نفسيا مقتنع بكده وعشان كده محدش يقول معرفش او مش عارف
الحكم المطلق الوحيد اللي كان ينفع في الحياه هو وحدانيه الله وم عذلك مش كل الناس مجتمعه عليه فمتقولش كده
ديما حد يقول انا ديما حظي وحش الرسول عليه الصلاه والسلام قال الطيره شرك الطيره شرك الطيره شرك التشاؤم كفر بالله
وكمان ربنا خلق الدنيا علي التضاد زي مافي الحلو في الوحش جايز موقعناش في الحلو بس مش معني الكلام انه مش موجود مش عاوز ابعد كتير نرجع تاني
يعني سخر لنفسك كل طاقاتك بدل ماتروح لطاقه سلبيه تضيع علي التوتر والقلق شوف بقه مدي ذكائك وديها علي ان كل لحظه هستهلكها فاني افكر اني مخلصتش كذا وخلصت كذا وفلان ذاكر او لا وهحل او لا فاني اكتر نطاق مذاكرتي اكتر
ومتفكرش غير فانك زي ماتفقنا كل حاجه هتراجعها خلاص اضمنت بمشيئه الله عز وجل
واللي لسه مازال في وقت هتلاقي طاقتك فاعلي حالاتها ومتحفز تخلص اكتر واكتر
يبقي متفكرش في الجزء السلبي النص المليان لسبب بسيط كده كده انت فواقع ملوش اي لزمه افكر في اللي فات اضيع طاقه كمان
ولا افكر فاللي جاي لانه فحوزه ربنا عز وجل مش هتغير المشيئه والقدر احنا بنسعي فقط
خلاص يبقي كل تفكيرك منصب ان كل طاقتي حتي اللي مطلعتش طول الفتره اللي فاتت كوم واليوم دا كوم
واياك انك تستجيب لاي حاجه موتره
يعني حد يتصل بيك يقولك انت مذاكرتش كذا ياراجل دا هيجيي الامتحان كله منه
كنت ايام الكليه ديما الصبح اعدي علي اصحابي واحد واحد اقوله كذا هيجيي يقولي مذاكرتوش اقوله خلاص مش جاي مذاكر ايه كويس وانا اجبهولك
يضحك ولو حد جه قالي نفس الموقف مذاكرتش كذا هيجيي فالامتحان
اقوله مش مهم مش هيجيي ولو جه مش هحله متشغلش بالك
كل دا مجرد اني مفقدش هدوئي وحتي لو لاقدر الله جه وده احتمال ضئيل بهدوئي هحله
تمام
نيجي ليوم الامتحان بقه ودا الاهم
بالليل قبل ماتنام طبعا متنسوش الادعيه لو مش حافظنها قوليل وانا اكتبها قبل النوم وساعه الصحيان وانت نازل و وو ا لكلام دا كله
قبل ماتناموا بكره ياريت ركعتين قضاء حاجه وادعوا فيها بلهجتكم العاديه بلا اي ادعيه محفوظه
مفيش حجاب بين العبد وربه
وركعتين عاديين خالص لكن النيه قضاء حاجه
قبل ماتنام اهم شيء تكتب الصبح وانت نازل هتصحي الفجر طبعا النوم مش اقل من ست ساعات الا لو في ضروروه ملحه اوي
تنام وتصحي فايق بكامل نشاطك احسن مليار مره من تطبق وتخلص المنهج كله
ونفذوا الكلام عمياني علي ضمانتي
واكتب قبل ماتنام هتعمل ايه من الفجر لغايه ماتخش الامتحان
ممنوع ثم ممنوع ثم ممنوع ثم ممنوع لما توصل الكليه قبل الامتحان بساعه تقري اي تفاصيل اقصي شيء
لان دا هيضيع كل اللي عملته الفره السريعه كل ماحس ان لالا دانا ناسي الجزء دا
لا ياخرابي لما يتذكر قدامي كلمه ومش فاكرها كويس وانامذاكرها حلو اوي اتوتر وجررررررري اقراها
غلط انت لما خلصت مذاكره حافظ كل درس زي اتفقنا مدام مقطعتوش فالمذاكره فالنص علي بعضه
الفره دي بتسيح كل اللي متعان علي بعضه فهتيجي تفتكر هتلاقي كل الدروس دخلت فبعضها
ممنوع قرايه اي حاجه جديده قبل الامتحان لو حد جه نبه ان في حاجه مهم الا لو اعصاب سعاتك هاديه
تقراها فور فن اللي هو لو جت هعرف اكتب فيها لكن لو قلوق بناقصها خالص هتوترك وتضيعلك اللي ثابت وبهدوئك لما تخلص حل كله هتعرف تحلها حتي لو مش مذاكرها او هتكتب كلام قريب مادمت واثق فنفسك وانك تقدر تكتب
قبل الامتحان من عشر دقايق لربع ساعه تقعد علي مكان اللامتحان خاصه للناس الفرقع لوز
وتقعد تقول ادعيه دخول الامتحان وتقري بعض سوري القران او علي الاقل تسترجع وتجمع كل قواك في عقلك عشان المجهود البدني
بيستهلك المجهود العقلي وتركز وتحفز نفسك بكلمات هاديه عاديه خالص
وبلاش اوفر اكتفتي خالص
لما يبدا الامتحان قبلها انت عارف عدد الاسئله او حتي لو مش عارف قسم الوقت عليه وسيب ربع ساعه براح
ولما يخلص وقت السؤال خش عاللي بعده صحيح عارف ان بعض الناس مش بتعرف تعمل كده
لكن لو متاكد ان ايدك سريعه ومتخافش اللي حاطط الامتحان بيراعي موضوع ان اسئله تعوض وقت اسئله
متحاولش تمر بعنيك علي كل الاسئله هيفضل بالك مشغول بسؤال وانت لسه فسؤال تاني هتضيع كله
صحيح انا شخصيا مكنتش بعرف اعمل كده لكن دا عشان انا متاكد وواثق فربنا وفنفسي اني مبتوترش حتي لو شفت سؤال معرفوش
كنت ديما اقول عادي لو اوصله هعرفه
زي ماتفقنا متخضش من السؤال
وثقوا انكم هتفتكروا غصب عنكم مجرد انك فاكر من سطر لسطرين فاجابه السؤال فل اوووووي
انت هتهزر ؟ لاو الله فل اوي اوي اوي لان مجرد ان فاكر البدايه لان البدايه في كل شيء الاصعب
وانت فنهايه كل سطر هتفتكر تحته سطرين وثق في ذلك
ولازم الفهم اللي يوصل للحفظ مش العكس
متحاولش لو مش فاكر تقعد تقول هي كانت فالصفحه اليمين ولا الشمال اه الحته اللي فوق
لا قول هو دا يعني ايه؟؟ يعني كذا اه بتاع كذا اه اه اه بتاع كذا افتكرت ثق ان دا اللي هيحصل ودا الاسهل
ووقتها حتي لو مفتكرتش هتكتب حاجات بالفهم صح مليون فالميه
واياك ثم اياك تفكر انك لو بتكتب من دماغك انه غلط اللي بيصحح مش حافظ الورق او الكتاب حافظ معلومه عاوزها قدامه
مهاراه الكتابه بقه فالامتحان متغلبش المصحح معاك
اكتبله الكلمه اللي هو عاوزها يعني مثلا لو هتكتب اعراض كتير وكلها مثلا انهبشن اكتبله انهبشن اوف كذا وافتح قوس ورص
وقتها مش هيكمل قرايه انت بينتله انك فاهم وهتمشي صح خلاص مش هيبص انت مش معاق عشان تكتب كلام عكس اللي قلته
ووقتها بعد ماتخلص الامتحان خالص ابقي مر علي سؤال وروشه شويه يعني زود عليه شويه تحابيش وعجن لو محتاج بس مش معني كلمه عجن يعني اي كلام اقصد يعني تزويق للسؤال يعني
وياريت لو اي معلومه متعلقه بالموضوع مش تستخسر وتروح بيها
ثانيه عشان معظمنا بيبقي مذاكر وبيشتكي مجالوش درجات
لو الامتحان ام سي كيو لازم يتحل علي انه صح وغلط مهما كنت متاكد من الاجابه امسك جمله جمله حلها صح وغلط
ولو شورت نوتس لازم تتعامل مع اللي بيصحح انه جاهل وميفهمش حاجه وانه قاعد قدامك كل ماتكتب حاجه يقولك ازاي جت منين طيب وايه المشكله
يعني مثلا وظيفه الاسفنكتر بتاع الكاردياك سفنكتر تقوله تمنع ارتجاع الحمض
طيب وايه يعني لما يرجع عشان لو رجع هيعمل كذا
هكذا
فهمتوا قصدي يعني متقولش اللي انت فنظرك هو الاجابه وتسكت
ولما تذكر سيره حاجه ادي عنها هنت
يعني متقولش وظيفه الاتش سي ال ياكتف الببسينوجين للببسين طيب والببسين بيعمل ايه كذا فهمتوا قصدي
دا مهم اوي خليك لغايه ماتوصل لمرحله خلاص انت اديته معلومه تنفع تتنظم وتتكتب فكتاب السنه الجايه
ههههههههه
اتفقنا
صدقوني دا مهم اوي عشان محدش يقول انا جاوبت ومختش درجات
اتعامل لغايه ماتوصل للعلبه الاخيره اللي معتش في علب تاني تتفتح
لماتسلم الورقه اشكر ربنا واتيفر الحمدلله الذي هدانا لهذا وما كنا لنهتدي لولا انا هدانا الله
وانسي خاللللللللللللللللص كل اللي حصل فالنظري لثواني وان كان دكاتره طب ساعات بيسالوا فاسئله الامتحان فالشفوي
لكن واتيفر كويس الحمدلله نستفيد بالدفعه المعنويه
مش كويس خلاص انتهي افصل نفسك تماما عشان متبقاش ضيعت اي حاجه وحط حافز ايجابي يارب هحل ان شاء الله كويس في الشفوي عشان اعوض ويبقي نهايه اليوم كويسه
امتحان الشفوي
خايفين مرعوبين ياشيخ دا امتع امتحانات في الحياه بشرط واحد تكون مذاكر
ياعم في دكاتره رخما اوي والله والله حتي لو ايه بالذي حتي لو مبيدوش درجات بس هتخرج ساتسفايد
اولا خلينا نتفق ان كل شيء بأمر الله عز وجل واياك تبص وتقول دا في حد دخل لمين ومجاوبش وخد اكتر مني لان دي ارزاق
وغلطه من الكليه من بدري لان مفيش تكافيء فرص
لكن دا من الكليه تفتكر ربنا مش عادل
استغفر الله العظيم عادل طبعا خلاص يبقي سيبها علي الله وصدقني ربنا بيعوض وبيدي كل واحد علي اد عمله وحتي لو دخل لدكتور مش اد كده بتبقي ذكري مضحكه مع السنين وبكره تفتكروا كلامي لما تخلصوا كليه
وبعدين ربنا ديما بيعمل الخير تفتكر انت حالل في النظري ضامن تاخد الدرجه؟
اعتبر ان ربنا عوضك بكده اللي بيقدر ميتعبش
وطبعا الاخوه اللي بيخلصوا الامتحان وهاتك ياهري في الورقه هجيب كذا في السؤال دا وكذا فالسؤال دا سيبوكوا من الكلام دا
حس بس انت تقريبا حالل اد ايه والحمدلله واشكر ربنا
نيجي بقه الخطوه الاولانيه لما نخلص النظري لو في مواد طب تحديدا لان مواد صيدله معرفش ظروفها ايه الدكاتره بيحبوا اوي
اسئله الامتحان يسألوا فيها فحلها ولو مش عارف اسأل مفيش مشاكل
ومش لو جيت تبص فالاجابه ولقيتها حاجه كنت عارفها تتقفل وكنت عارفها قدر الله وماشاء فعل تفتكر دا تقصير منك؟
دي اراده ربنا ولا راض لقضاء الله ايه ياجماعه مش هنبقي مؤمنين شويه
ولا دا طلب صعب ولا ايه بص لنفسك وقولها عيب ربنا اعلي واعظم من خوفي ومن زعلي
لان زعلك يعتبر زعل علي قضاء ربنا
المهم نيجي بعد كده طبعا بيبقي في حاجات معينه معروف الدكاتره بيحبوا يسألوا فيها
ومش تتخض لو اتقالك فلان بيسأل فحاجه عجيبه
رهبه الامتحان جوه بتخليك تفكر
نيجي للمهم اول ماتعرف داخل لمين لو كويس بلاش الفرحه او الاكتفتي المبالغ فيه وقول الحمدلله فسرك
ولو وحش لاقدر الله بلاش الديبريشن الرهيب اللي بيحصل
لان مش زي ماغلبنا بيفكر ان ممكن يحصل زلزال تحت مكتب الدكتور ويختفي ويجي حد مكانه
فيبقي ملوش لزمه الرهبه والله ياما دخلنا لدكاتره الله لايوريكم
هنقول حاجات عامه لازم تتعمل مع اي حد وبعد كده حاجات خاصه بدكاتره معييين حسب شخصياتهم
اولا بالله عليكم بلاش الناس اللي بيبقوا قاعدين عالزر
مهما كنت مذاكرو حافظ صم او اتقالك السؤال
اياك ترد
خد نفسك عشر ثواني وجمع اجابتك عشان متقفش فاول الكلام
ومتتكلمش بسرعه ابداااااااا
اللي بيتكلم بسرعه بيشطب بسرعه وبيبان للدكتور انه مقالش حاجه وهيقولك كمل وانت قلت كل حاجه
قول بهدوء خالص
ثانيا انت اللي بتوجه الدكتور للاجابه
الشفوي مش مجرد ان دكتور وهيسمع ياجماعه دا جاي يتناقش معاك
فلازم يحس انك فاهم مش حافظ وقاعد علي الزر زي ماقلنا مش اللي هيقول بسرعه هياخد جايزه من عند توتي يعني
ومتبقاش زي الناس الحفيظه حافظين الكلام وحتي لو في نقطه مش عارفين يعني ايه وبكل براءه الاطفال يقولوها
طبيعي جدا الدكتور هيقولك يعني ايه وشيء ينرفز انك بتقولي حاجه مش عارفه هي ايه
طيب تقولي لو مش عارف الاجابه او مش فاكر
فكر بصوت عالي مهما كان الدكتور كويس او وحش هيساعدك يعني مثلا يقولك يابني مريض جالك عنده فيفر وعنده تنسمز و و و
مش عارف اجمع نفسي مش عيب افكر بصوت عالي اقول فيفر يعني عنده انفكشن يادكتور غصب عنه هيساعدك مادمت فاه بيحبوا اوي اللي بيتناقش معاهم
حاجه كمان مهمه اوي لو سألك سؤال لولبي متجاوبش فورا امشي خطوه خطوه حتي لو عارف الاجابه مباشره
عشان يفهم انك من فاهم من ناحيه ومن ناحيه تانيه تبقي وفرت عليه اسئله كتير وحسسته انك جاوبت كتير
يعني لما يقولك يابني زياده الco2تعمل ايه فالكيرف قوله هو زيادته يعني نقص الاكسجين ونقص الاكسجين معناها ان الافنتي لازم تقل عشان الخلايا محتاجه اكتر يادكتور يبقي الدسسويشين هيزيد
فهمتوا قصدي؟
محدش يقولم قايل علي طول بيزيد وخلاص
ويقوم هو قايلك ليه عشان كذا
وكذا ليه
متهلكش الدكتور
مش لازم يسأل عشان تتكلم بالتنقيط
عشان دا بينرفزهم اوي
فرضا لا قدر الله وطبعا مش عاوزين نوصل للمعلومه دي
اني مش فاكر ومش عارف ومش عارف انطق
متنحش اعمل نفسك بتفتكر طول الوقت وكانك فاكر بس متوتر ونسيت ( الموضوع دا نفع معايا مره اوي ههههههه )
اهم حاجه بجد في الموضوع كله هدوء الاعصاب التام وياريت بلاش الناس اللي الدكتور بيشتغلها تقوم مغيره اجابتها
لو واثق من اجابتك وحاول يغلطك فكر شويه بس متعملش اي اكسبريشن علي وشك انك محتار او ارتبكت
ولو واثق فعلا متغيرهاش حتي لو غلط فثقتك فاجابتك عادي
لو لقيت الدكتور من النوعيه المحترمه اللي بيشرح المعلومه مفيش مشاكل خالص
اياك ثم اياك تنقاد لاي توتر او حرق دم خاصه في الدكاتره اياهم
احتفظ بهدوئك لاقصي درجه هيسعوا يوتر اعصابك بكل الطرق وبيتلذذوا بكده اياك
اعتبر ياعم حتي انها خربانه خربانه يبقي متخربش اعصابا عشان اللي جاي
وثق ياما دخلنا للدكاتره دي ومرينا بنفس الظروف لكن بهدوء اعصابنا الحمدلله خارجين مرتاحين حتي لو مخدناش درجات
مافي ناس كتير بيطلعوك مبسوط ومش بيديوا في كلا الحالتين
اياك كل خمس دقايق هتسمع حد بيقولك دا درجاته كذا
الاخوه الفتايين فوسط تمانين مليون فتاي
عملت اللي عليك والحمدلله انسي خالللللللللللص
لان مهما حصل عرفت درجتك او لا مش هتفرق لانها خلاص اتحطت
نيجي للاصعب مش الدكاتره الرخميين اد الدكاتره الماسك فيس
دا اهم شيء في الموضوع
مش هيديك اي تعبيرات انه صح او غلط متبقاش مدب خالللللللللص
وكل شويه تغير اجابتك كل مايبصلك
اتكلم بثقه وخلي نبره الثقه واضحه فكلامك حتي لو مش مذاكر كويس
وفكر بصوت عالي زي ماتفقنا يعني منها بذكاء تفهمه انك في حاجات تانيه مذاكرها او ومنها لو قدرت توصل للاجابه يبقي كويس
متحسسش الدكتور بتوترك ابدا اياك من النقطه دي
وركز انك توجه الدكتور لحاجه انت مذاكرها كويس جدا
في اجابتك اريهاله بذكاء هيخش فيها منه
مهم اوي بقه في طريقه مذاكرتك عشان متتعبش في الشفوي انك تربط المنهج ببعضه
يعني كل ماتيجي حته تشوف مرتبطه برانش تاني فين
وكل ما الواحد بيذاكر لازم يركز في المنطقه دي لان الشفوي محتاج ان انسان يكون رابط المنهج ببعضه يمد ايده في اي مكان
محدش يشغل باله بالاسئله الصعبه الي بتبقي طول مانت بره اللجنه حاسس انها غريبه ودا طبيعي لانك بعيد
وثق انك جوه طول مانت هادي هتعرف تجاوب وهتستغرب وقتها انت جبت الاجابات دي منين
نصيحه مهمه اووووووووي
متبقاش متوزع ومن كتر القلق تقف بره كتير
دا هيوترك اكتر وكل ماحد يخرج
تقلق اكتر وهتسمع اسئله جديده
متخشش اول واحد واستني حد يخش تحس منها اسلوب الدكتور للتهيئه النفسيه فقط
وخش بارك الله فيما رزق
وان شاء الله ربنا هيشرح صدرك وتعرف تتكلم
عشان كتر الوقفه بيوتر اكتر
متحاولش تضخم الامور ساعات كنا بنسمع عن ناس انهم ماليجنانت وصعبين وفظاع نخش نلاقي الدنيا عاديه ثق فنفسك مهما كان الدكتور
ان شاء الله ربنا كاتبلك خير
وصدقني في ناس مهاره فالشفوي يوجهواالدكتور لكل اللي مذاكرينه فقط
وبلاش هزار كتير مع الدكتور الا لو حسيت انه لذيذ وخليه هو الباديء مش انت
وخلي ديما ردود افعالك مش مبالغ فيها لا ضحك ولا حتي توتر وقلق
وبلاش بالله عليكم شغل ثواني بس يادكتور ثواني ثواني هفتكر اهو دي كانت فالكتاب
وبلاش فوسط الكلام كل مانتكلم نقول كلمه وبعده ايييييييييييه ايييييييييه خخد نفسك واتكلم بهدوء ووفر الطاقه اللي هتقول بيها ثواني يادكتور فانك تفتكر
وقول اللهم صلي وسلم وبارك عي سيدنا محمد فسرك هتفتكر ان شاء الله
واللهم ذكرني مانسيت ولا تنسني ماذاكرت
الموضوع ابسط لو بسطناه علي نفسنا ديما تعامل مع الامور ببساطه
تفتكروا هنخسر ايه ولا حاجه هنكسب هدوء وراحه اعصاب وعلي فكره دا اندكس علي قوه ايمانا كل مانبقي مطمئنين يبقي قلوبنا مع ربنا عز وجل وربنا هيوفقنا الحياه ملهاش معني لو مش في هدف ودافع نوصله
وافتكروا ديما الكلمه دي الحياه زي الاي سي جي او رسم القلب لحظات فوق ولحظات تحت وهي دي متعه الحياه لكن لو بقت كلها رتم واحد دا معناه انك مت
والفاشل هو من فشل في ان يثق انه سينجح
واذا توفقت امالك واحلامك اعلم انها ليست وحدها من توقفت فان قلبك ايضا قد توقف فانك ميت
ياجماعه والله دي متعه الحياه وافتكروا ديما ان حتي اللحظات الصعبه في الحياه بتبقي ذكريات ممتعه لو تخطيناها لو حتي هتحط هدف
انك هتعدي عشان خاطر يبقي الاجازه ليها طعم
طمنوني اول ماتخلصوا امتحان بامتحان ببقه ربنا معاكم
الرئيسية 
